tag:blogger.com,1999:blog-73101799169592714722011-04-21T15:17:01.435-07:00bloggin-salaviyahttp://www.blogger.com/profile/00214961518422246529noreply@blogger.comBlogger21100tag:blogger.com,1999:blog-7310179916959271472.post-74936606426720591692008-07-17T09:49:00.000-07:002008-07-17T10:14:09.133-07:00<div style="text-align: justify;">බුද්ධික හෙවත් බඩ් ලංකාව තුළ නිදහස් මෘදුකාංග ප්‍රචාරණය කෙරෙහි විශාල මෙහෙයක් ඉටු කළ සහෘදයෙකි. ලංකා ලිනක්ස් පරිශීලකයන්ගේ සංඟමයේද ප්‍රබල සාමාජිකයෙකි. පසුගිය 20 වන දින බඩ් ගේ ජීචීතයේ නව පිටුවක් පෙරළිනි. අප සංඟමයේම තවත් සාමාජිකාවක් වූ කාංචනා අක්කා සමඟ අතිනත ගත් ඔහුගේ මංගල උත්සවය පසුගිය ජූනි මස 20 වන දින ගල්කිස්ස මහ හෝටලයේදී පැවැත්වින. කලාතුරකින් පමණක් මුණගැසෙන ඉතාමත් කාර්ය බහුල ලංකා ලිනක්ස් පරිශීලකයන්ගේ සංඟමයේ ඉපැරණි සාමාජිකයෝ බොහොමයක් මෙයට සහභාගී වූහ. නමුත් සුචේතට හා මට වැඩි වේලාවක් එහි රැඳී සිටීමට නොහැකි විය. මන්ද ලිනක්ස් පුහුණු වැඩ මුළුවක් අම්පාරේ සංවිධානය කර තිබූ බැවිනි. දිවා ආහාරයටත් පෙර ඉන් පිටවීමට අදහස් කළද නව යුවලගේ දැඩි ඉල්ලීම මත ඉතාමත් ඉක්මනින් සප්පායම් වූ අප එන තෙක් පූජ්‍ය මෙත්ත විහාරි හිමිපාණෝ පුටුවක් මතට වී බලා සිටියහ.<br /><br />සියළු වැඩ අවසන් කර සවස 1400 පමණ වන විට අපි කොළඹින් පිටත් වුනෙමු. වැඩසටහන සංවිධානය කළ අධ්‍යාපන අමාත්‍යාංශයේ තොරතුරු තාක්‍ෂණය පිළිබඳ අධ්‍යක්‍ෂ නීල් ගුණදාස මහතාද අප සමඟ විය. ඉතාමත් ගුණ යහපත් පුද්ගලයෙකු වූ එතුමා පාසල් වල නිදහස් මෘදුකාංග ප්‍රචාරණය කෙරෙහි අමිල මෙහෙයක් ඉටු කරයි. රාත්‍රී 2300 පමණ වන විට අපි අම්පාරට සේන්දු වීමු. අම්පාර මණ්ඩල මහ විහාරස්ථානය මෙත්ත විහාරි හිමියණෝගේ නවාතැන වූහ. සුචේත මගේ කාමරයේ අරක් ගත් බැවින් මා හට උන් හිටි තැන් අහිමි වූ හෙයින් සෝපාව මත නිදා ගැනීමට සිදු විය. පසුදා උදැසනම ලිනක්ස් පුහුණු වැඩමුළුව ආරම්භ කළ අතර දින 5 ක් පුරාවට සුචේත හා මම ලිනක්ස් ඉගැන්වීමු. සහභාගී වූවන් සියල්ලන්ම ගුරුවරුන් හා පරිගණක විද්‍යාගාර භාර ආචාර්ය වරුන් වූ අතර ඉන් බොහෝ දෙනෙක් ද්‍රවිඩ ජාතිකයෝ වූහ. ලිනක්ස් පිලිබඳ කැපී පෙනෙන උනන්දුවක් දැක්වූ ඔවුන් අවසානයේ එයි සිටි අප සිංහල ජාතික ගුරු භවතුන්ට වඩා ඉතාමත් ඉදිරියෙන් ය. ජූනි 25 වන දින වැඩසටහන අවසන් කළ අපි එදිනම හවස් වරුවේ කැකිරාව බලා පිටත් වීමු. ඒ කැකිරාව බුදුගේහින්න මහ විද්‍යාලයේද ලිනක්ස් පුහුණු වැඩමුළුවක් සංවිධානය කර තිබූ බැවිනි. ගමන අතරමග ඟිරාදුරු කෝට්ටේ ප්‍රදේශයේදී අප ගිය වාහනයේ දුන්නක් කැඩීම නිසා පැය කීපයක් ප්‍රමාද විය. නමුත් එදින රාත්‍රී 2330 පමන වන විට අපි බුදුගේහින්න විද්‍යාලයට සේන්දු වීමු.<br /><br />පසුදා උදෑසන අපගේ වැඩ මුරය ආරම්භ කළ නමුත් චාරිත්‍රානුකූල ආරම්භක උත්සව නිසාත්, සමහර නිළධාරීන්ට වෙලාවට පැමිනීමේ පුරුද්දක් නැති නිසාත් පළමු දිනයේදීම වැඩමුළුව තරමක් ප්‍රමාද විය. නමුත් අවසානය දක්වාම වැඩමුළුව සාර්ථකව කිරීමට අපට හැකි විම අපට ඉමහත් සතුටකි.<br /></div><div class="blogger-post-footer"><img width='1' height='1' src='https://blogger.googleusercontent.com/tracker/7310179916959271472-7493660642672059169?l=blogging-salaviya.blogspot.com' alt='' /></div>bloggin-salaviyahttp://www.blogger.com/profile/00214961518422246529noreply@blogger.com4tag:blogger.com,1999:blog-7310179916959271472.post-18554003722810075152008-06-16T10:49:00.000-07:002008-07-02T10:38:32.457-07:00<div style="text-align: justify;">මගේ නම කුංචන මාතොට ආරච්චි. 1979 වර්ෂයේ අම්පාර ප්‍රදේශයේ ජන්මලාභී වූ මම මූලික අධ්‍යාපනය සද්ධාතිසස විද්‍යාලයෙන් හා ඩී.එස්. සේනානායක විද්‍යලයෙන් ලබා ගතිමි. දැනට ශ්‍රී ලංකා විවෘත විශ්ව විද්‍යාලයේ විද්‍යාවේදී උපාඩි පාඨමාලාවේ අවසන් පෙළ සිසුවෙකු වන මම රාජ්‍ය නිලධාරියෙකු ලෙස රජයේ ආයතනයක සේවය කරමි. <br /></div><div class="blogger-post-footer"><img width='1' height='1' src='https://blogger.googleusercontent.com/tracker/7310179916959271472-1855400372281007515?l=blogging-salaviya.blogspot.com' alt='' /></div>bloggin-salaviyahttp://www.blogger.com/profile/00214961518422246529noreply@blogger.com0